Македонија
17. February 2017 - 12:54

Откупени 24,4 милиони килограми тутун, просечната цена 196,80 денари

Откупот на тутунот е во завршна фаза. До вчера се преземени 24,4 милиони килограми, а просечната цена е 196,80 денари, соопшти денеска директорот на Државниот инспекторат за земјоделство Цветан Трипуновски. 

- До овој момент нема никакви проблеми со текот на откупот. Се надеваме дека многу скоро ќе биде откупен и полесдниот килограм од реколтата 2016, истакна Трипуновски на прес-конференција на која го најави воведувањето нови фито сертификати за поголема заштита на домашното производство.

Крајниот рок за откуп на тутунот е 15 март 2017 година. Според производителите, родот е со одличен квалитет поради што и цената е повисока, а субвенциите изнесуваат 60 денари за килограм.