Откриени шокантните долгови на Манчестер Јунајтед
Долговите на англискиот гигант Манчестер Јунајтед се зголемија поради пандемијата од коронавирус. Финансиските податоци на клубот за првиот квартал на 2020 година веќе ги покажуваат сериозните последици од кризата. Пред почетокот на пандемијата, долговите на „црвените ѓаволи“ изнесуваа 141 милиони евра, а сега тие пораснаа на сума од 477 милиони евра.
Годишните приходи опаднаа за 19 отсто на 137 милиони евра, иако нивното присуство во Лигата на Европа наместо во Лигата на шампионите придонесува за овој пад.
Од 31 март, буџетот на Јунајтед беше нешто над 100 милиони евра, со тоа што клубот има пристап до дополнителни 166 милиони евра, што е во форма на кредит што ќе обезбеди „финансиска флексибилност за поддршка на клубот за прекинот, предизвикан од КОВИД-19“.
Приходите од емитување на натпреварите за првата четвртина се само 28 милиони евра, што е за повеќе од 50 отсто помалку од минатогодишните 53 милиони евра.
Фактот дека преостанатите натпревари на „црвените ѓаволи“ ќе се играат без публика ќе има дополнително влијание врз приходите од натпревари и продажба на билети.
– Нашиот фокус останува на здравјето и благосостојбата на нашите колеги, навивачи и партнери ширум светот. Ние сме крајно горди на тоа како реагираше клубот за време на оваа криза. Со нетрпение очекуваме да го обезбедиме нашето безбедно враќање на теренот и возбудливиот моментум на играта. Нашата работа за време на кризата ги рефлектира нашите основни вредности како клуб и еластичноста што многупати ја демонстриравме во текот на нашата долга историја, рече потпретседателот на клубот – Ед Вудворд.
Ново на Сител
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО
-
Пожар на грчкиот остров Крит во близина на поморската база Суда, превентивно евакуирани населба, болница и училиште
-
Првите шест авиони „Рафал“ во Хрватска пристигнуваат оваа недела
-
Швајцарија замрзна руски имот во вредност од 5,8 милијарди франци