Откриени над 4 килограми марихуана, приведен албански државјанин
Еден албански државјанин е приведен, под сомнение дека поседувал и пренесувал наркотици, а две други лица од гостиварското село Добри Дол се задржани на разговор, информираат од СВР Тетово. По спроведената акција, синоќа полицијата на две локации запленила над 4 килограми марихуана.
- Синоќа, при обид да биде легитимиран албанецот М.Д. (27) во населбата Малки, им побегнал на полициски службеници и при тоа фрлил едно најлонско ќесе и патничка торба. Подоцна е утврдено дека во нив имало околу 4 килограми тревкаста материја за која постои основано сомнение дека е наркотична дрога марихуана и дадена е на вештачње. Два часа подоцна, околу 23.30 тој е приведен во еден угостителски објект во селото Добри Дол, изјави Марајан Јосифоски портпарол на СВР Тетово.
Непосредно по приведувањето, со судска наредба извршен е претрес во куќата во која М.Д. престојувал. Во една помошна просторија била откриена ќеса во која имало околу половина килограм тревлива материја.
Портпаролот Јосифоски информира дека со акцијата која била спроведена од полициски службеници на ПС Гостивар се приведени и две лица од Добри Дол, едно на 18 и едно на 53-годишна возраст, осомничени дека го превезувале албанскиот државјанин.
Осомничениот албански државјанин кој од претходно е познат како извршител на повеќе кривични дела, во текот на денот ќе биде изведен пред судија во претходна постапка во Основниот суд Гостивар
Во две други акции на полицијата, изминативе денови, во Гостиварско беа откриени над 4 килограми марихуана, а едно лице заработи притвор.
Ново на Сител
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок
-
Силјановска: Горда сум на граѓаните, не само на оние кои гласаа за мене туку и на останатите
-
Дел од извештаите на светските медиуми за претседателските избори во државава