Живот
19. October 2018 - 15:50

Откриена мистеријата на таинствениот црн прстен на принцот Хари

Таинствениот црн прстен на десната рака на британскиот принц Хари, забележан во текот на турнејата на кралската двојка во Австралија, предизвика голем интерес во јавноста, со што се појавија бројни шпекулации за неговото значење.
 
Магазинот „Пипл“ ја разреши мистеријата, објавувајќи дека станува збор за направа што ги следи циклусот на спиење и физичката активност. Таа се поврзува со смартфон-апликација која ги бележи податоците. Титаниумскиот прстен доаѓа во разни бои и дизајни, а принцот Хари го избрал моделот што чини 299 долари.
 
Тој носи бурма на левата рака, која ја доби на денот на свадбата, со што ја прекрши кралската традиција. Војводата од Сасекс и неговата сопруга Меган носат и идентични бразлетни. Братот на Хари, принцот Вилијам, пак, одлучи да не носи бурма.