Свет
2. October 2015 - 8:56

Откриен идентитетот на убиецот на колеџот во Орегон

Американските медиуми објавија дека 26-годишниот Крис Харпер Мерсер е убиецот на девет луѓе во во колеџ во градот Роузберг во американската сојузна држава Орегон. Мерсер беше застрелан од полицијата, пренесува БТА.

Според очевидците, црнецот Мерсер упаднал во колеџот Ампукуа пукајќи и прашувајќи ги студентите на која религија припаѓаат. Тој ги застрелал тие што се изјасниле како христијани.

Дел од американските медиуми јавија дека Мерсер бил студент на колеџот, како и оти напаѓачот претходно на интернет-страницата „4chan“ ги објавил своите намери за нападот во колеџот.

Градот Роузберг, кој има околу 20.000 жители, се наоѓа на околу 420 километри јужно од Портланд.