Македонија
10. January 2019 - 13:29

Отказ „вреден“ 16.5 милиони

Жозе Мурињо добро го наплатил отказот во Манчестер Јунајтед. Британските медиуми објавија во четвртокот дека неколку дена по отказот Португалецот од клубот добил 16,5 милиони евра.

Ова значи дека Манчестер Јунајтед повеќе нема никакви обврски кон Мурињо, кој сега е слободен во изборот на новата работа.

„Не постои повеќе никаков проблем на релација Манчестер Јунајтед-Жозе Мурињо. Жозе е подготвен за нова работа, но не му се брза. Релаксиран е и подготвен, доколку тоа е потребно, да го чека и крајот на сезоната“, ја пренесува изјавата на близок соработник на Мурињо „Дејли Мејл“.

Жозе Мурињо доби отказ пред нешто повеќе од еден месец. Лошите резултати и нарушените односи во соблекувалната се причините поради кои клубот го отпушти тренерот.