Македонија
17. December 2018 - 12:17

Oтежнат сообраќајот - снегот што ја зафати државата предизвикува големи проблеми

Снегот што ја зафати државата предизвикува големи проблеми при движењето на возилата по лизгавиот асфалт. Рано утрово товарно возило изгуби контрола над заледениот коловоз и се изврте на влезот на Делчево. Како што информираат очевидци посериозни последици по возачот нема, а одбегната е и материјална штета.

Посериозни потешкотии возачите имаат на патниот правец од Делчево кон Берово каде откорнати дрвја го блокираат едниот дел од коловозот кој од друга страна им предизвикува дополнителни проблеми порди неговата заледеност. Екипи на Македонија пат кои веќе се на терен известуваат дека се работи на отстранување на дрвјата и оспособување на двете коловозни ленти.
 
Во градот Делчево екипи на ЈПКД Брегалница во рамки на своите активности од изутрина посипуваат песок и сол како би влијаеле на растопување на заледениот снег.
 
Лекарите апелираат на внимателно движење по снегот и доколку нема потреба граѓаните да не излегуваат од своите домови.

Популарно од Македонија

Слични вести

Ново на Сител

© 2019 Сител Телевизија