Македонија
21. May 2020 - 16:43

Отец Партениј избран за Владика

Архимандитот Партениј стана викарен епископ на Дебарско-кичевската Епaрхија. Ќе ја носи титулата Антаниски, а епископско седиште ќе му биде во Бигорскиот манастир.
Ова е една од двете одлуки на Синодот на МПЦ, донесени на денешната седница. За нејзе гласале сите владици.
Втората е малку изненадувачка и конспиративна. Кумановско-осоговскиот митрополит Јосиф, поднел оставка од наводно здравствени причини и побарал за негов заменик да биде назначен игуменот Григориј, неговата десна рака. Голем дел од владиците биле против, но со мнозинство тој е избран Сарандополски епископ, кој по хиротонијата ќе биде назначен за Кумановско-осоговски митрополит.
Владиката Јосиф денеска не се појави пред медиуми за да ја образложи неговата изненадувачка одлука. Кои се вистинските причини засега останува нејасно.
Во меѓувреме Отец Партениј ќе биде хоротонисан на 12 јули на Петровден, а Григориј на 25 јули.