Македонија
19. April 2018 - 22:13

Освен линијата „5“ од утре уште еден автобус на гас ќе сообраќа во Скопје

Уште еден автобус на гас во производство на полската компанија „Соларис“ ќе сообраќа во главниот град, овој пат на линијата 22“. Автобусот ќе биде дел од тест приодот од 40 дена, по што надлежните ќе одлучуваат со какви автобуси ќе го модернизираат новиот возен парк на ЈСП. Во Скопје веќе сообраќа еден автобус на гас и тоа на линијата „5“, а се очекува ваков автобус да се вклучи во сообраќај и на линијата „15“.

Како што информира „Независен“ овој автобус чини 220.000 евра и наменет е за исклучиво за јавен превоз, со капацитет од 70 патници. Неговата најголема предност е што има намалена потрошувачка на гас, споредено со потрошувачката на старите дизел-автобуси и троши речиси 50 отсто помалку гориво. Емитува значително помалку ЦО2 и речиси воопшто не го загадува воздухот.