Македонија
27. May 2020 - 14:09

Осудените од "27 април" во судница пред Апелационен суд

16 осудени за собраниските настани од "27 април" се повторно во судница. По 14 месеци минати во затвор, денеска се во судница пред Апелациониот суд кој треба да ги разгледа нивните жалби за изречените затворски казни.

Јавната седница е предвидено да трае до петок, се чита дел од пресудата која е напишана на повеќе од илјада страници, по што жалбите ќе ги образложат обвинетите и нивните адвокати.

За случувањата од 27 април, осудени се 16 лица за сторено кривично дело терористичко загрозување на Уставниот поредок и безбедноста.

Вкупната затворска казна е 211 години, највисоката од 18 години ја доби поранешниот директор на БЈБ, Митко Чавков. За овој случај, со закон за амнестија беа ослободени 15 лица меѓу кои пратеници и организаторите на протестите "За заедничка Македонија".

 

Зоран Јаневски