Оставка на јапонски министер осомничен за корупција
Јапонскиот министер за економија Акира Амари денеска поднесе оставка на функцијата, откако беше осомничен за примање поткуп.
На прес-конференција во Токио, тој ги отфрли обвинувањата за корупција и го демантираше пишувањето на еден јапонски неделник за тоа дека примил поткуп од градежна компанија, но објави дека поради овие околности мора да се повлече од функцијата.
Аналитичарите во Токио проценуваат дека целиот случај околу министерот Амари и неговата оставка претставува удар врз Владата на премиерот Шинѕо Абе.
Амари беше министер за економија и за фискална политика, од крајот на 2012 година и беше посочуван како еден од најдоверливите луѓе на Абе.
Тој беше јапонски претставник во преговорите за Транспацифичкото партнерство, па идната недела требаше да отпатува во Нов Зеланд за потпишување на договорот.
Амари важи за архитектот на планот „Абеномикс“ на премиерот Абе, со кој третата светска еконмија треба да излезе од состојбата на дефлација.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација