Осомничени уште четири лица за случувањата во Собранието
Полицијата ќе поднесе посебно известување до Основното јавно обвинителство за уште четири лица од Скопје за случувањата во Собранието од 27 април.
МВР информираше дека вчера од страна на СВР Скопје во соработка со ОЈО на службени разговори се повикани повеќе лица за кои постоеле сомневања дека биле инволвирани во настаните во македонскиот Парламент.
Притоа, поради констатирано постоење основи за сомнение за сторено кривично дело „учество во толпа што ќе спречи службено лице во вршење на службено дејствие“ по чл 384 од Кривичниот законик на РМ од страна на лицата Д.Т. (42), Ѓ.М. (52) и Т.О. (52) сите од Скопје, како и кривично дело „учество во толпа што ќе изврши кривично дело“ по чл.385 од Кривичниот законик на РМ од страна на лицето Н.П. (39) од Скопје, за истите СВР Скопје до Основно јавно обвинителство Скопје ќе поднесено посебно Известување.
Од МВР истакнуваат дека Секторот за внатрешни работи Скопје во консултација и соработка со Основното јавно обвинителство и понатаму презема мерки и активности во врска со настаните на 27 април во Собранието на Македонија и обезбедување на преостанатите кривично пријавени лица, како и на идентификација и документирање и на други лица учесници во настаните.
Ново на Сител
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина