Османи: Усогласувањето во ЕУ не смее да ги загрози реформите во земјава
Вицепремиерот задолжен за европски прашања Бујар Османи денеска учествуваше на Македонско-германски форум со наслов „Стратешко партнерство или ново проширување?“ во организација на Фондацијата Конрад Аденауер.
– Како Влада и администрација имаме соодветен капацитет и долгогодишно акумулирано искуство за во наредниот период да се фокусираме на длабинска анализа на актите кои ни беа презентирани за време на објаснувачките состаноци. Анализата на нивото на усогласеност на националното законодавство со законодавството на ЕУ и плановите за понатамошно усогласување, посочи вицепремиерот Османи, додавајќи дека земјата останува целосно подготвена за билатералниот скрининг, независно дали ќе се спроведува според досегашната методологија, или според најавената нова методологија, за која изрази очекување дека ќе биде усогласена меѓу земјите-членки што е можно поскоро.
Нам, рече Османи, ни е неопходно Европската Унија да го усогласи својот став околу преговорите што е можно побрзо, за да не биде загрозен реформскиот моментум на усогласување со европските правила и стандарди, кој претставува најсилното гориво за напредокот на земјата.
Вицепремиерот најави дека како и досега, во процесот на интеграции остануваат вклучени сите релевантни чинители, особено Собранието и двете клучни тела, Комисијата за европски прашања и Националниот совет за евроинтеграции, како форум за дебата со пошироката јавност за сите прашања поврзани со процесот на европска интеграција.
Ново на Сител
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април
-
Битиќи: Работна недела од 7 часа дневно во одредени сектори во 2025