Османи: Реформската агенда продолжува независно од политичките предизвици
Можностите за поддршка на реформскиот процес во Република Македонија, особено во обезбедување експертиза за клучните области како што се правосудство, фундаментални права, владеење на правото, безбедноста беа тема на разговор на средбата на заменик -претседателот на Владата задолжен за европски прашања, Бујар Османи со делегацијата на холандското Министерство за правда и безбедност.
Во состав на холандската делегација се Арјен Таселар, шеф на Одделението за меѓународни односи и проекти и Ханс Јонкхер координатор за меѓународни односи на Западен Балкан и пристап кон ЕУ, се наведува во соопштението на СЕП.
- Еден од нашите највисоки предизвици претставува одржувањето на реформскиот моментум, согласно насоките од јунските самити на ЕУ, особено во делот на реформа на правосудството и обезбедување на принципот на владеење на правото, истакна Османи.
Тој посочи на успешно започнатиот процес на набљудувачки скрининг токму со поглавјето 23 - правосудство и фундаментални права.
- Холандија претставува еден од најцврстите поддржувачи на Република Македонија и нашите интегративни процеси, но и земја со која традиционално имаме исклучително успешна соработка. Оваа поддршка секако ја очекувам и сега кога земјата се соочува со предизвикот да го затвори прашањето за евроатланската перспектива и да ги започне преговорите за членство во ЕУ, рече Османи.
Тој изрази благодарност за понудената соработка и експертиза од страна на Холандија, во процесот на адресирање на неопходните реформи.
На средбата Османи реферираше и за актуелните политички состојби, изразувајќи уверување до соговорниците дека актуелните политички предизвици нема да ја загрозат реформската агенда на Владата, а предвидените реформи ќе бидат навремено имплементирани.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица