Османи: Препораката од ЕК е валоризација за направеното во овој период
Чистата препорака од Европската комисија до Советот за започнување на преговори е валоризација за направеното во овој период, меѓутоа тоа што е најважно е дека Македонија е друга држава после помалку од една година.
Ова вечерва го истакна вицепремиерот задолжен за евроинтеграции Бујар Османи во емисијата Топ Тема на телевизијата Телма.
- Денеска е ден на сите граѓани на Република Македонија, денеска е европски ден на Македонија. Самиот факт што денеска имаме тројца еврокомесари и шест премиери од регионот кажува дека Македонија станува позитивната приказна во регионот и во ЕУ, рече Османи.
Пред речиси само една година, уште нема година од 27 април, посочи, Македонија беше на работ на конфликт, на работ на бездна.
- И денеска тројца еврокомесари доаѓаат и ја вреднуваат државата како вратена на својата евроатлантска патека со вистинска реална перспектива за членство во ЕУ и НАТО, потенцира Османи.
Според него, ова е една значајна одредница, една значајна мотивација и охрабрување за продолжување понатаму.
- Кога ќе постигнете резултат ќе затворите едно поглавје, отворате ново и започнувате со уште посилна динамика. Мислам дека тоа дава резултати. Ова е заслуга на целото општество. Денеска треба да бидат задоволни сите граѓани независно од етничката и партиската припадност, додаде Османи.
Ново на Сител
-
ММФ: Македонија со најнизок раст во регионот, највисок дефицит и јавен долг
-
Македонска Пошта пропаѓа, Синдикатот бара итни реформи по изборите
-
Приватните специјализанти продолжија со штрајкот - револтирани се од етикетирањето на министерот
-
Се затвораат испразнетите училишта
-
Приватните специјализанти го продолжија штрајкот - чекаат одлука од денешната владина седница
-
Пошта пред распаѓање - Синдикатот најавува нови протести
-
Меѓаши алармира за психолошката состојба на децата
-
Струмица почна да ја мери загаденоста на воздухот