Османи очекува преговарачката рамка да се усвои на октомврискиот самит, по што ќе следи меѓувладината конференција
Вицепремиерот за европски прашања Бујар Османи денеска изјави оти нацртот за преговарачката рамка со ЕУ се очекува да го добиеме во јуни, додека од Брисел биле информирани дека новиот пакет за проширување, односно Годишниот извештај што се очекуваше во јуни, ќе се одложи за септември.
– Засега прашањето на рамката е задржано за јуни, 3 јуни е претпоставениот датум, меѓутоа не може точно да се каже заради оваа тешкотија со состаноците поради пандемијата. Првиот предлог што ќе се објави на 3 јуни е всушност драфтот, рамката што ќе ја предложи Комисијата. Потоа таа рамка оди во КОЕЛА, тоа е телото на Советот за проширување во којшто се земјите членки и тука тие ги ставаат своите национални позиции. Се разбира дека може уште и на ниво на Комисијата да има одредено влијание. Но очекувам дека ЕК ќе излезе со неутрален став по однос на поединечните ставови на членките кои во случајот на моменти може да бидат асиметрични, одговори Османи на прашањето дали барањата на Бугарија се влезени во рамката и до каде е усогласувањето.
Повтори дека очекува Комисијата да има неутрален став, односно неутрална рамка, а потоа, како што рече, ќе помине низ филтрите на земјите членки и оти ќе има предлози од самите членки, но, појасни, ние веќе работиме и со Комисијата и со земјите членки.
– На 3 јуни очекуваме да се објави драфтот од страна на Комисијата. Потоа оди во КОЕЛА. На Црна Гора и требаа три месеци земјите членки да се усогласат по однос на рамката и да се усвои на Советот, така што ако за нас е слично, очекувам на октомврискиот самит на ЕУ или на декемврискиот самит да се усвои рамката, меѓутоа најверојатно на октомврискиот самит да се усвои на Советот и со тоа веднаш и првата меѓувладина конференција, истакна Османи.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово