Османи на ЦЕИ во Њујорк: Бугарија и Грција ни помогнаа да ја надминеме кризата
Шефот на македонската дипломатија Бујар Османи учествуваше на неформален состанок на министрите на надворешни работи на Централноевропската иницијатива (ЦЕИ), кој се одржа на маргините на 77-та сесија на Генералното собрание на Обединетите нации во Њујорк.
Министерството за надворешни работи информира дека во фокусот на обраќањата на претставниците на земјите членки на ЦЕИ беше руската воена агресија врз Украина и начинот на кој ЦЕИ може да ѝ помогне на оваа земја.
-Се разговараше и за модалитетите како Иницијативата може да пристапи кон актуелните предизвици директно поврзани со војната – енергетска криза и нарушувањето на синџирот на снабдување. Во таа насока, министерот Османи повика на вклучување на земјите од Западен Балкан во заедничките механизми на ЕУ за справување со економските, финансиските и енергетските последици од инвазијата врз Украина. Како позитивен пример, во тој поглед, ги посочи одлуките на владите на Бугарија и Грција да ѝ помогнат на Северна Македонија да го преброди недостигот од енергенти, соопшти МНР.
Османи се осврна и на проширувањето на ЕУ, за кое нагласи дека треба да се гледа како „најадекватна инвестиција за безбедноста на самата Унија и европскиот континтент во целина“.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри