Османи: Мора да се најде решение за СЈО
Вицепремиерот за европски прашања Бујар Османи денеска изјави дека мора да се најде решение за Специјалното јавно обвинителство бидејќи тоа е еден од столбовите во борбата против корупцијата, покрај Државната комисија за спречување на корупцијата (ДКСК), Обвинителството, Државниот завод за ревизија (ДЗР) и Координативното тело за борба против организиран и сериозен криминал.
Одговарајќи на новинарско прашање по работната посета на Државниот завод за ревизија, Османи рече дека формално мандатот на СЈО завршува во септември, а тие сакаат законот за јавно обвинителство да биде донесен до јуни, пред објавувањето на Извештајот на ЕК за да може да им се олесни на земјите членки на ЕУ одлуката за отворање на преговорите.
– Од прв ден реков дека мора да работиме на две траектории, дека најдобро идеално решение би било да најдеме консензус општ бидејќи тоа ќе се одрази на кредибилитетот на институцијата, меѓутоа и на пораката што ја праќаме до земјите членки дека ние не се разликуваме како политички партии од било кој дел на спектарот во однос на враќањето на владеењето на правото. Треба да се исцрпат сите можности за постигнување договор. Фактот дека има разговори, дека има предлози од една и од друга страна, имало и четврта рунда во која повторно се отворило дебата по однос на конкретни прашања. Тоа е добро и треба да се одржи таа динамика на обид за изнаоѓање решение, а паралелно ние да разговараме со тие што ја носат одлуката на крај, рече Османи.
Османи потсети дека има два приниципа кои се тешки за компромис – одредена автономија во функционирањето на едно антикорупциско тело и завршување на сите индиции од прислушуваните материјали.
Според него, оставање на работата на половина не прави услуга никому и тој процес треба да заврши. Околу овие два принципа кои, како што рече, се пофиксни, има простор да се изнајде решение.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка