Османи ќе контактира со семејствата на загинатите во автобуската несреќа во Бугарија
Министерот за надворешни работи, Бујар Османи, денеска изјави дека планира да контактира со семејствата на загинатите во автобуската несреќа што се случи во Бугарија.
– Денеска планирам да контактирам со семејствата бидејќи сакам да знам кои се нивните очекувања по однос на пренесувањето на телата и процедурите понатаму, за да можеме да го направиме овој акциски план, изјави Османи.
На новинарско прашање за комуникацијата со бугарското МНР околу испраќањето на останките од телата на починатите, Османи изјави дека се во постојана комуникација и ги прават подготовките и плановите за пренесување.
– Беше најавено една недела од случувањето на несреќата, меѓутоа има различни проекции, дека може да биде еден ден потоа, до крајот на неделата. Така што, не можеме точно да знаеме бидејќи сето тоа ќе зависи како во лабораторија ќе се одвива процесот на идентификација преку ДНК материјалите, изјави Османи.
Дополни дека очекуваат тоа да биде во текот на неделата, меѓутоа, точниот датум, како што кажа, „сè уште не можат да го потврдат“.
Ново на Сител
-
Последен работен ден за пратениците од овој состав
-
Информативен ден на НАТО програмата „наука за мир и безбедност“
-
Мисија на УНЕСКО во Охрид
-
Преглед на вестите од светот
-
Тема на денот со Филип Рикер, поранешен амбасадор на САД во Македонија
-
„Алкалоид“ пушти во употреба нов светски погон за производство на лекови вреден 19.4 милиони евра
-
Четири години Македонија членка на НАТО
-
Гир: Не е точно дека ЕУ не ја сака Македонија, членството е лесно достижно