Османи и Маричиќ во Тирана на конференција за пристапни реформи во Западен Балкан
Вицепремиерот за европски прашања Бујар Османи, кој е и шеф на државната делегација за преговори со Европската унија, заедно со главниот технички преговарач Бојан Маричиќ ќе престојуваат во Тирана каде ќе учествуваат на третата конференција за пристапни реформи во земјите од Западен Балкан.
Во рамки на конференцијата се очекува да биде потпишана заедничка декларација каде, меѓу другото, ќе се реафирмираат заложбите за унапредување на добрососедските односи, регионалната соработка и европските перспективи на земјите од Западен Балкан.
Вицепремиерот Османи ќе има обраќање на панелот посветен на комуникацијата на ЕУ во јавноста, а за време на посетата на Тирана, се очекува да оствари и повеќе билатерални средби.
Конференцијата за пристапни реформи во земјите од Западен Балкан ќе се одржи утре, а е поддржана од Австриското претседателство со Советот на ЕУ. Ова е трета по ред конференција, на која ѝ претходеа првата конференција одржана во Скопје во 2015 година и втората одржана во Подгорица во 2017 година.
Ново на Сител
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.
-
Г-7 одлучни да ја засилат ПВО на Украина
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд