Османи: Да ги оставиме зад себе партиските интереси и да се обединиме за првиот премиер Албанец
Бујар Османи од ДУИ се заблагодари на сите граѓани кои решиле да гласаат во услови на пандемија.
„Сега кога гласачките кутии се затворени, да ги оставиме зад себе партиските интереси и да се обединиме за првиот премиер Албанец, затоа што големото мнозинство Албанци го поддржуваат овој концепт“, изјави Османи по затворањето на избирачките места.
Тој очекува голема изборна победа на ДУИ и концептот за прв премиер Албанец.
„Бројката на излезност е силен знак за нашата демократија. Сакаме да оддадеме почит на ДИК и сите луѓе аѓажирани во гласачките места, набљудувачите и активистите. Сакам да изразам благодарност до сите наши илјадници активисти кои се посветија со цела енерија во остварување на нашиот сон“, изјави Османи.
Според него, тие ја оствариле својата изборна цел и го довеле ДУИ во позиција да може да може да се избере првиот премиер Албанец.
„Им благодариме на сите граѓани кои ни го дадоа гласот, ја прифаќаме оваа одговорност и ќе работиме напорно, ќе им служиме на граѓаните“, рече Османи.
Тој очекува уште утре, по верификацијата на резултатите веднаш да започнат разговори за формирање на Владата.
Ново на Сител
-
ДИК: Гласањето во затворите тече без проблеми
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО