Ослободен екипажот на рускиот танкер што е задржан во украинското пристаниште Измаил
Украинските власти ги ослободија членовите на екипажот на рускиот танкер, што претходно беше задржан во пристаништето Измаил. Но, танкерот се уште останува во пристаништето.
– Морнарите од задржаниот танкер во Измаил се враќаат дома, а танкерот останува во Украина, изјави неименуван претставник на Амбасадата на Русија во Киев. Тој не соопшти детали.
Членовите на екипажот биле испитани и потоа се ослободени.
Претходно, Украинскaтa безбедносна служба соопшти дека го запленила руски танкер кој бил вмешан во минатогодишниот инцидент во Керченскиот Теснец.
Во ноември 2018 година руската воена морнарица задржаа 24 украински морнари и три бродови под обвинение дека незаконски навлегле во руските територијални води, а Киев негираше.
Според Украинската безбедносна служба тогаш танкерот „Нејма“ кој пловел под руско знаме го блокирал преминувањето на украински воени бродови низ Керченски Теснец.
Претходно, официјална Москва соопшти дека ги испитува околностите под кои Украина одлучи да задржи руски танкер и предупреди дека ќе има последици ако некој од екипажот бил земен за заложник.
– Ги проучуваме деталите за тоа што се случило со цел да преземеме соодветни мерки, соопшти руското Министерство за надворешни работи.
Во соопштението се додава и дека „ако Руси се земени како заложници, тогаш тоа ќе се квалификува како насилно кршење на меѓународното право и за брзо време ќе следат последици”
Ново на Сител
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон