Оштетувања на сообраќајната сигнализација во Кочанско
Масовно оштетување и кражби на сообраќајните знаци и патокази заедно со металните столбови на кои биле поставени евидентирале надлежните инспекторски служби во локалната самоуправа на Кочани.
За период од една година регистрирано е дека поради уништување на вертикалната патна сигнализација недостасуваат или целосно неупотребливи се стотина сообраќајни ознаки на улиците во градот и покрај локалните патишта. Вкупната финансиска штета се проценува на околу половина милион денари, колку што ќе мора да се издвојат од општинскиот буџет за набавка на нови знаци.
– Голем број од сообраќајните знаци што беа поставени пред околу две години се уништени, искорнати или украдени, со што освен направената финансиска штета, се загрозува безбедноста во сообраќајот. Направен е попис на сите места каде е забележана таква појава и деновиве ќе биде објавена нова тендерска постапка за набавка на сообраќајна сигнализација, по што ќе ги замениме оштетените и украдени знаци. Состојбата е сериозна и не може да се подобри преку ноќ, истакна Влатко Димитровски, раководител во Секторот за урбанизам.
Со набавката на новата сообраќајна сигнализација предвидено е да се обезбедат и поголем број т.н. лежечки полицајци за најфреквентните улици, каде возачите не ги почитуваат ограничувањата на брзината на движење.
Во општинската администрација прават неделен увид и извештај за состојбата со сообраќајните знаци, а заклучок е дека подеднакво се крадат знаците и во периферните делови на градот, но и во централното градско подрачје. Поради тоа упатуваат повик до граѓаните доколку забележат уништување на сообраќајната сигнализација и другата урбана опрема, тоа да го пријават кај надлежните служби и органи.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање