Општина Виница со сопствени средства асфалтира улици во населените места
Со 13 милиони денари од сопствениот буџет Општина Виница ја почна реализацијата на проектот за изградба и асфалтирање на десетина улици во селските населби и во градот.
Вкупната должина на сообраќајниците што ќе се асфалтираат во седум населени места е над 1,5 километар, а уште толку ќе се комплетираат во градското подрачје.
-Според техничкиот проект планирана е реконструкција и асфалтирање на 13 улици, при што веќе се завршени градежните работи во селата Истибања, Пеклани и Јакимово, а од почетокот на идната недела ќе се продолжи во Лески, Блатец, Драгобраште и Градец. Во Виница ќе се асфалтираат делови од улиците „Љупчо Сантов“, „Партизанска“, „Н. Н. Борче“, „Иво Лола Рибар“ и Ила“. Дополнително, ќе се направи асфалтно проширување од еден метар на должина од 2,5 километри на локалниот пат од Виница до селото Градец, а ќе се санираат и оштетувањата на повеќе улици во градот, истакна градоначалникот Ивица Димитров.
Паралелно со асфалтирањето на улиците во селските населби се решава и придружната инфраструктура, како што е изградбата на мал бетонски мост во Истибања.
По завршувањето на тендерската постапка и изборот на изведувач, наскоро ќе почне изградбата и асфалтирањето на два километри од локалниот пат меѓу селските населби Балинци и Капетанци, за што се обезбедени близу 20 милиони денари.
Ново на Сител
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите