Општина Виница очекува државна поддршка за два рурални инфраструктурни проектa
Локалната самоуправа на Виница планира годинава да гради нова водоводна линија за жителите на село Блатец и да изработи техничка документација за фекална канализација во селото Липец.
За реализација на двата инфраструктурни проекта веќе е поднесена апликација до Министерството за локална самоуправа, од каде се очекува финансиска поддршка преку компонентата за развој на селата од Програмата за рамномерен регионален развој. Вредноста на градежните и планските работи е проценета на околу 2,5 милиони денари.
-Поднесените барања за финансирање на проектите се во фаза на евалуација и добивме известување дека се позитивно оценети. Тие беа избрани како приоритени, а поддршката ќе помогне во јакнењето на капацитетот на општината и подобрување на условите за жителите во руралните подрачја што се карактеристични со порастот на миграциски процеси. Се очекува, по добивањето на средствата, реализацијата на проектите да се заврши до крајот на оваа година, информираа од службата за односи со јавноста на Општина Виница.
Според информациите од Министерството за локална самоуправа, годинава за финансирање на проектите за рамномерен регионален развој во источниот регион се предвидени 32,6 милиони денари. Парите се распоредуваат согласно Одлуката за степенот на развиеност на планските региони, според која регионот учествува со 11,3 отсто во распределбата на вкупно 290 милиони денари за оваа намена.
Ново на Сител
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто