Општина Ресен доби сертификат ИСО 9001:2008
Општина Ресен денеска доби сертификат за имплементација на Системот за менаџмент за квалитет, односно воведување на ИСО 9001:2008 стандардот во локалната самоуправа.
Со неговото имплементирање ќе се овозможи идентификување и навремено реализирање на потребите и очекувањата на граѓаните на Ресен, со што на ефективен и ефикасен начин ќе се реализираат, одржуваат и подобруваат општите перформанси и можностите за одржлив развој на општината.
Проверката и имплементирањето на ИСО стандардот во работењето на општина Ресен го спроведе Сетификационото тело за управување со ситеми МКС ДОО - Скопје.
Според Илија Паунковски претставник на Сертификационото тело, на овој начин ќе се придонесе граѓаните на општината Ресен да добијат навремена и поквалитетна услуга, а истовремено ќе се подобрат организациските можности за поефикасно искористување и управување на човечките ресурси во локалната администрација.
- Добро е што по подолг период на реализација на голем број активности денеска можеме на Општина Ресен да и го испорачаме сертификатот ИСО 9001:2008, кој се надевам ќе биде додатен поттик вонејзината работ, рече Паунковски.
За градоначалникот Ѓоко Стрезовски добивањето на сертификатот е обврска да се задржи и унапреди квалитетот на општинските услуги.
- Ни преставува особено задоволство што со добивањето на овој сертификат се верифицира квалитетот во работата на Општина Ресен, но во исто време преставува и обврска да се задржи и унапреди нивото на квалитет на услуги кои се испорачуваат кон граѓаните на нашата општина, изјави Стрезовски по повод добивањето на сертификатот ИСО 9001:2008.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка