Македонија
26. December 2018 - 11:48

Општина Крива Паланка распиша конкурс за најубаво украсен објект

Општина Крива Паланка распиша конкурс за избор на најубаво украсени новогодишни објекти. Конкурсот предвидува награди во две категории – за
најубаво украсен деловен објект- осветлен излог и најубаво украсен станбен објект.
 
– Предлозите од страна на граѓаните за пријава според предвидените категории можат да се достават во писмена форма до општинскиот услужен центар-архива на општина Крива Паланка или во електронска форма на opkp@krivapalanka.gov.mk најдоцна до 8 јануари 2019 година.Предлозите треба да бидат означени со назнака „За конкурс за избор на најубаво празнично новогодишно и божиќно украсување 2019″. По доставените предлози посебна комисија на 9 јануари ќе изврши обиколка на предложените објекти и ќе направи фото и видео запис од истите, по што од 10 до  17 јануари материјалите ќе бидат поставени на општинската веб-страница и граѓаните ќе можат да гласаат и да учествуваат во изборот на најдобрите, информира службата за комуникација со јавност на општина Крива Паланка.
 
Оттаму посочуваат дека гласот на граѓаните ќе биде еднаков со оној на комисијата, а награда ќе добијат прворангираните објекти во двете категории. Резултатите ќе бидат објавени најдоцна до 25 јануари.