-->
-->
Општина Крива Паланка дел од проектот „Електричниот отпад создава можности“
-->
Општина Крива Паланка ќе се вклучи во проектот „Електричниот отпад создава можности“.
Претставници од општина Крива Паланка од областа на заштита на животната средина, претставници на основните училишта и јавното комунално претпријатие „Комуналец“ од Крива Паланка денеска одржаа средба со претставници на Здружението на граѓани „Центар за климатски промени“ на која беа разгледани можностите за соработка за реализација на проектот „Електричниот отпад создава можности“ финансиран од страна на Амбасадата на САД во Скопје.
Координаторот на еколошките активности при општина Крива Паланка, Бранко Велиновски, истакна дека целта на состанокот е разгледување и создавање можности за подобро спроведување на новите законски обврски за постапување со отпад од електрична и електронска опрема.
- Новите законски одредби за постапување со отпад од електрична и електронска опрема стапија на сила од први јануари 2015 година, а за запазување на истите и нивно подобро спроведување општината ќе се вклучи во имплементацијата на овој проект, што е од голема важност, особено сега кога општината има неопходна потреба од намалување на отпадот кој треба да завршува на времената локација за депонирање отпад, изјави Велиновски.
Проектниот координатор Бојана Станојевска – Пецуровска ги презентираше условите и можностите за вклучување во проектот образложувајќи ја неговата цел.
- Целта на проектот „Електричниот отпад создава можности“ е да се подигне свеста на населението, со фокус на децата од основните училишта во државата, за негативните влијанија на електричниот и електронскиот отпад врз животната средина и здравјето на луѓето како и да се истакне потребата од селектирање на отпадот, рече Станојевска – Пецуровска.
Проектот ќе се спроведува во период од една година по потпишување на Меморандум за соработка и доставување на соодветна апликација. Во рамки на oвој проект планирано е да се изработат промотивни материјали, да се спроведат повеќе едукативни работилници, да се обезбедат и постават соодветни контејнери за одделно собирање на електричен отпад во училиштата и во самото градско подрачје.
-->
-->
-->
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово