Општина Кочани со пет акции за прскање против комарци
Општина Кочани во текот на овој и наредните два месеца ќе ја спроведе акцијата за уништување на комарците од земја и воздух. За таа цел ќе бидат реализирани две акции со авиотретирање и три акции од земја. Првата акција се очекува наредната недела и ќе биде од воздух.
Од општина Кочани истакнуваат дека се надминати проблемите со тендерската постапка за избор на оператор кој ќе ја реализира акцијата. Веќе е склучен договор со команијата „Бони ер“ од Куманово за авиотретирањето, додека за прскањето од земја е склучен договор со Центарот за јавно здравје од Скопје.
За набавка на неопходниот инсектицид и ларвицид што е одобрен од Бирото за лекови, како и за услугата за прскање против комарците оваа година општина Кочани од сопствениот буџет издвои милион и 542 илјади денари, што е за околу 200 илјади денари повеќе од минатата година.
Двете третирања ќе се реализираат одделно, односно со терестријалниот третман ќе се опфати површина од околу 1.200 хектари во централното градско подрачје, приградските населби и дел од населените места во општината, додека со авионското прскање се планира да биде опфатена површина од 3.400 хекатари, површина во градот и населените места во општината.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација