Општина Карпош подготвена за најавените ниски температури и снег
Општина Карпош е подготвена за ниските температури и врнежите од снег што деновиве ги најавуваат хидрометеоролозите и информира дека има обезбедено 250 тони сол, 20 кубни метри ризла и три специјализирани возила за интервенции во зимски услови со плуг и со бункер за сол.
Како што се наведува во соопштението на општина Карпош, локалната власт е подготвена да интервенира на сите сервисни улици кои се наоѓаат на нејзина територија, со особено внимание на т.н. „критични точки“ спрема Бардовци, Трнодол, Жданец, патот за Горно Нерези, како и во Козле на улиците „Ловќенска“ и „Илија Плавев“.
Останатите магистрални улици кои минуваат низ територијата на Карпош, со соодветна механизација и служби, ќе ги расчистува Градот Скопје.
Во состојба на целосна подготвеност, како што се наведува, ќе биде ставена и единицата за заштита и спасување на Општина Карпош, за да интервенира доколку тоа е неопходно.
Ново на Сител
-
Хрватска: Наполитанки Кит Кат повлечени од пазарот
-
Две лица се приведени за убиството на лекарот во Железара
-
Се финализираат коалициите пред почетокот на кампањата за претседател следната недела
-
Во Собранието последна нова седница во овој парламентарен состав
-
Путин: Во Европа го плашат народот дека ќе ги нападнеме, сакаат да им ги земат парите
-
Четворица убиени, петмина избодени во напад во Илиноис
-
Руските сили гранатираа 17 населени места во областа Херсон, две лица загинаа
-
Состојба на патиштата