Општина Гостивар ќе додели финансиска помош за настраданите во автобуската несреќа кај Ласкарци
Членовите на Советот на Општина Гостивар, на последната 12-та седница едногласно ја усвоија одлуката за доделување еднократна парична помош за семејствата на загинатите и на повредените патници во автобуската несреќа кај скопско Ласкарци. Средствата ќе бидат исплатени од буџетот на општината.
– Оваа помош е во во знак на солидарност кон настраданите во трагичниот настан, кон семејствата на загинатите и на повредените во автобуската несреќа на автопатот Скопје-Тетово. По 30.000 денари ќе добие семејство на настраданите, а по 15.000 денари ќе добијат повредените, стои во образложението на советниците.
Како гест на благодарност за пружената помош и покажаната хуманост од жителите на селото Ласкарци, општината на месната заедница ќе донира 300.000 денари.
Минатата недела, Советот на Град Скопје, како израз на солидарност, на секое семејство кое изгуби свој член ќе додели парична помош од 100.000 денари во нето износ, а на повредените по 30.000 денари
Во големата сообраќајна несреќа која се случи на автопатот Скопје-Тетово на 13 февруари животот го загубија 15 лица, а над 38 беа повредени.
Ново на Сител
-
ЦУК со апел за внимателност поради најавените метеоролошки промени
-
Во Грција уапсени 67 лица за спортско насилство и убиство на полицаец
-
Доларот зајакна петта недела по ред, порасна и цената на нафтата
-
Десет загинати во воздушен судар и уривање на два воени хеликоптери во Малезија | ВИДЕО
-
Северна Кореја извршила симулација на нуклеарен контранапад
-
Стапува во сила првиот билатерален Договор за стратешко партнерство меѓу ЕУ и Јапонија
-
Сообраќајот по влажни коловози, застои нема
-
Облачно со повремен пороен дожд и грмежи