Општина Гевгелија набави опрема за зимско одржување на патиштата
Јавното претпријатие „Комуналец“ согласно усвоената програма од Советот на општина Гевгелија, поведе постапка и ја набави потребната опрема за расчисистување на улиците и локалните патишта во случај на врнежи од снег.
-Сега општината целосно е оспособена за самостојно одржување на улиците и локалните патишта во зимски услови. До сега тоа го правевме преку ангажирање на надворешни фирми, а сега покрај заштедата на значителни средства обезбедуваме навремена и ефикасна заштита бидејќи опремата веќе е во кругот на претпријатието, рече градоначалникот Сашо Поцков.
Директорот на претпријатието Златко Зумров, истакна дека за купување на опремата се издвоени еден милион денари од сопствениот буџет и дека гевгелиските комуналци се целосно подготвени за дејствување во зимски услови.
-Набавената опрема се состои од една соларка и три плугови за расчитување на снегот од кои два, во случај на потреба, ќе се прикачат на трактори, а еден на скип. Претпријатието стана целосно способно за дејствување во зимски услови, што не беше случај до сега затоа што во случај на врнежи од снег и голомразица комуналците дејствуваа со несоодветна опрема или рачно, рече директорот Зумров.
Ново на Сител
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон