Општина Гевгелија ќе финансира 56 проекти од областа на културата и спортот
Општина Гевгелија во 2016 година ќе издвои 13 милиони денари буџетски средства за финансиска подршка на 56 проекти и настани од областа на културата и спортот кои аплицираа на јавниот конкурс, одлучија денеска општинските советници.
Од областа на културата, финансиски ќе бидат подржани 33 проекти за чија што реализација се предвидени 4 милиони денари од општинкиот буџет, а покрај активностите на културно-уметничките друштва, наменски средства ќе добијат и традиционалните културни манифестации како што се Меѓународниот натпревар за млади пијанисти, Смоквијадата, прославата на заштитникот на градот „Спасовден“, детскиот музички фестивал „Калинка“ и други настани.
За финансиска подршка на спортот и спортските активности во општинскиот буџет се предвидени 9 милиони денари кои ќе бидат поделени на 23 спортски клубови и здруженија кои аплицирале на конкурсот. Најголема финансиска помош ќе добијат кошаркарските прволигаши „Кожуф“ и „Бест“, но финансиски ќе бидат подржани и останатите спортски клубови и друштва,како и организациите на неколку кошаркарски и фудбалски турнири.
Годинава дел од општинските пари ќе добијат и Сојузот на училишни клубови и спортските клубови од основните училишта и гевгелиската гимназија.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање