Македонија
14. February 2018 - 12:10

Општина Дебар набавила џип од 50.000 евра, бил неопходен за теренска работа

Џип од моделот „фоклсваген тигуан“ бил набавен од раководството на Општина Дебар, вреден 50.000 евра и истиот ќе биде отплаќан следните пет години.
Според објавениот договор, Општината го купува возилото со одложено плаќање по пат на финансиски лизинг со учество од 20 отсто, на рок од 60 месеци.

Градоначалникот Ружди Љата изјавил дека набавката на ново возило била потребна поради теренот во Дебар, додека старото службено возило веќе било застарено и несоодветно, дознава Нова ТВ.

„Возилото е набавено со сите законски прописи и неопходно е за општината. Избрано е возилото со најниска понудена цена. Тоа возило нема да го возам јас, туку е за потребите на општината. Знаете каков е теренот во Дебар“, изјавува Љата за Нова ТВ.