Оперативец на ЦИА загинал во Сомалија
Искусен офицер на Централната разузнавачка агенција загинал пред неколку дена во Сомалија, јави синоќа „Фокс њуз“.
Според телевизијата, убиството на офицерот може да ја забави политиката на претседелот Доналд Трамп за повлекување на американската војска од жешките точки како Африка, Сирија или Авганистан. ЦИА има кадар од 700 лица во Сомалија со задача да соработува со локалните сили за пораз на терористичката група Ал-Шабаб, активна во регионот.
Офицерот бил дел од Центарот за специјални активности, паравоен отсек на ЦИА, и поранешен специјалец во елитната единица на морнаричките фоки, позната по убиството на Осама бин Ладен.
Телевизијата наведува дека убиството на офицерот ќе додаде уште една ѕвезда на ѕидот во лобито на седиштето на ЦИА во Ленгли, северна Вирџинија, во спомен на сите паднати оперативци на агенцијата. Во изминатите две децении на меморијалниот ѕид се додадени уште десеттина ѕвезди, заклучно со септември 2020 година нивниот број е 135.
САД имаат база со 1.000 војници во Белгија, 35.000 војници се стационирани во Германија, 26.000 во Јужна Кореја, како и 50.000 во Јапонија. Базата Бондстил во Косово има околу 1.500. Бројот на американски војници во Авганистан е намален до 8.600, а во Сирија САД имаат околу 1.000 војници.
Според официјално лице од Пентагон, повлекување на војниците и напуштање на воените бази на САД би имало „катастрофални последици за светот“.
-Напуштените места и бази би биле веднаш заземени од сили кои не ги делат демократските и мирољубиви намери на САД, и кои би донеле злонамерност и неизвесност во тие региони, коментира висок претставник на Пентагон за Фокс њуз.
Ново на Сител
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон