Оланд: Француски авиони уништија камп за обука на ИД во северна Сирија
Француски авиони извршиле воздушни напади и уништиле камп за обука на Исламска држава, покрај северниот сириски град Дејр ал Зур, изјави францускиот претседател Франсоа Оланд.
- Франција разговара со сите и не отфрлува никого при барањето на политичкио решение за Сирија, нагласи Оланд во Њујорк, каде учествува на Генералното собрание на Обединетите нации.
- Париз сепак смета дека иднината на Сирија не го вклучува сирискиот претседател Бараш ал Асад, додаде тој.
Оланд посочи дека следните недели се можни други воздушни напади.
- Воздушните напади, кои Франција ги извршува врз позиции на групацијата ИД на тетиторијата на Сирија без одобрение на Дамаск и на Советот за безбедност на ОН се спротивни на меѓународото право, објави на својот на профил на Фејсбук портпаролката на руското Министерство за надворешни работи, Марија Захарова.
Таа истакна дека тие напади не може да се сметаат како неопходен акт на самоодбрана, бидејќи тоа се воздушни напади врз земја која никого не напаѓа и се извршени без нејзино одобрение.
- Како референдумот во Крим може да се смета за анексија, а напади без одобрение на СБ на ОН и на сириската Влада да се сметаат за самоодбрана, праша таа.
Захарова нагласи дека тука не може да станува збор за никакво меѓународно право, туку за уништување на меѓународното право пред очите на „шокираната меѓународна заедница“.
Ново на Сител
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца
-
Доживотен затвор за Усеин Р. кој со 42 убоди од нож ја уби Танкица Младеновска од Кочани