Свет
4. December 2015 - 14:50

Оланд апелира до градоначалниците да се борат против климатските промени

Францускиот претседател Франсоа Оланд денеска апелираше до сите градоначалници во светот да се ангажираат во борбата против климатските промени и ги пофали оние кои веќе презедоа мерки за намалување на емисиите на гасови што го предизвикуваат ефектот на стаклена градина, благодарејќи на своите полиитки за домување и за јавниот превоз. 

- Ниту еден регион во светот не може да се чувствува сигурен од климатскиот хаос, изјави францускиот претседател во обраќањето на отворањето на собирот на градоначалници и претставници на локланите власти посветен на борбата против глобалното затоплување, што се одржува на маргините на Конференцијата за климатски промени (КОП21), што во понеделникот започна во близината на Париз. 

Оланд изјави дека „до 2050 година една третина од популација ќе живее во градовите“ и побара од градоначалниците да ја задржат контролата врз градскиот прираст.