Околу шест милиони денари за НВО од буџетот на општина Македонска Каменица
Советниците од Општина Македонска Каменица распределија околу шест милиони денари за невладини организации и спортски клубови за реализација на проекти коишто ќе бидат од интерес за граѓаните.
Градоначалникот Дарко Митевски истакна дека со овие средства се дава поттик за работа на граѓанските здруженија.
- Оваа година имаме најмногу средства за граѓанските здруженија и спортските клубови коишто придонесуваат за развој на спортот во Македонска Каменица и кои анимираат голем број на млади членови за да се занимаваат со спорт. Одобрени се и средства на риболовното и ловното друштво, на организации од областа на социјалата, пчеларското здружение, здружение од областа на екологијата. Мора да потенцирам дека е усвоена и програмата за 2017 година на КИЦ „Романса“. Поголем дел од средствата се наменети за тековна работа на овие организации и за реализација на нивните програми, истакна Митевски.
Фудбалскиот клуб Каменица–Саса која доби 1,6 милиони денари, а претседателот на клубот Тони Анастасов изјави дека средствата ќе помогнат во функционирањето на клубот во првите шест месеци од наредната година.
- Имаме амбиции за влез во Втора лига. Доколку се остварат нашите амбиции во јуни со ребалансот на буџетот очекуваме уште средства. Овие одобрени средства ќе ги покријат сите трошоци за тековното работење на ФК. Со младите категории и сениорите во ФК се опфатени околу 100 младинци и деца. Моментално се натпреваруваме во Трета лига и сме на трето место. Но,во 2017 ќе се прават две втори лиги, Исток и Запад и ние се бориме да бидеме на првите четири места за да имаме влез во Втората лига Исток, рече Анастасов.
Општина Македонска Каменица за 2017 има на располагање 218 милиони денари основен буџет, а вкупниот буџет е 337 милиони денари.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка