ОЈО: Двајца скопјани осомничени за тешка кражба во Гостивар

  Гостиварското Јавно обвинителство почна постапка против две лица, жители на Скопје, за кои постои основано сомнение дека извршиле тешка кражба во Гостивар.

 

Како што соопшти Јавното обвинителство, осомничените на 26 февруари годинава на улица во Гостивар пресретнале лице, кое кај себе во тој момент имало 1.200 евра и 6.500 денари.  Притоа му пристапиле како просјаци и од него побарале пари. Оштетениот извадил пари за да им даде, по што тие на дрзок начин му ги одзеле сите пари што тој ги имал кај себе и побегнале. Подоцна биле откриени и фатени, а парите се вратени на оштетениот.

 

-Бидејќи постојат околности кои што очигледно укажуваат на опасност од бегство, надлежниот јавен обвинител до судијата на претходна постапка при Основниот суд во Гостивар достави и предлог за определување мерка притвор за двете осомничени лица, се наведува во соопштението од Обвинителството.