Охриѓани масовно и денес на марш: Да го заштитиме јазикот, културата, државата
Граѓани на Охрид вечерва повторно со марш низ улиците на градот ја изразија својата поддршка на граѓанската иницијатива „За заедничка Македонија“, со цел да ја искажат, како што велат, својата загриженост за иднината на државата.
– Овде сум заедно со бројни почитувачи на македонското, како Македонец и професор по македонски јазик, човек кој поучува генерации ученици на патриотизам. Уште еднаш одовде да им порачам дека она што треба да го браниме како наш код, наша ДНК, како срж, тоа е нашиот јазик, рече Димче Донески, повикувајќи ги сите граѓани лојални на Македонија да се придружат во одбраната на унитарноста на државата.
Коста Карадимче забележа дека и мото на собирот „За заедничка Македонија“ кажува дека тука има место за сите, остава простор за соживот, но нагласи дека мора да се зборува македонски.
– ЕУ и НАТО треба да ни помогнат во овој миг, кога ни се најпотребни. Јас сум потомец на Христо Узунов кој во својот 27-годишен живот, онолку колку што постои оваа демократска Македонија, направи толку многу за оваа држава, а ние не можеме четврт век да живееме во заедништво… Секој нека зборува на својот мајчин јазик, но оваа држава е Македонија и нејзин јазик е македонскиот, рече Карадимче.
За актерот од Охридскиот театар Ивица Цонев, граѓанскиот собир има за цел да ја поддржи Република Македонија да истрае во овие тешки премрежија, во време, како што рече, кога ние самите ја креираме нејзината иднина.
– Да го заштитиме јазикот, културата, државата, онака како што ни ја оставиле нашите прададовци како завет и да ја оставиме и на нашите поколенија, уште попросперитетна, посплотена, рече Цонев.
Како и претходните два дена учесниците на протестот се собраа на плоштадот кај охридската гимназија, по што се упатија низ улиците во централното градско подрачје до Градскиот плоштад.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп