Охрид ќе ја одбележи 111-годишнината од смртта на војводата Христо Узунов
Градот Охрид и оваа година традиционално со низа манифестации ќе ја одбележи годишнината од херојската смрт на македонскиот револуционер и војвода на охридските револуционерни чети, Христо Узунов.
По повод 111-годишнината од смртта на Узунов утре во 11 часот во основното училиште во Охрид што го носи неговото име пред бистата на револуционерот и учител ќе биде положено цвеќе. За од 12 часот во Спомен-куќата на Христо Узунов ќе се одржи историски час. Утревечер во 18:30 часот во галеријата на Центарот за култура „Григор Прличев“ ќе биде отворена изложба на ликовни творби, по што следува свечената приредба на ОУ „Христо Узунов“.
Свеченостите продолжуваат и в недела, кога пред спомен-обележјето на Узунов во Градскиот парк ќе биде положено цвеќе,а ќе се читаат и литературни творби.
Одбележувањето на годишнината од херојската смрт на Христо Узунов ќе продолжат во 11 часот со Поклонение и Панихида за војводата на местото на неговото херојско загинување во кичевското село Цер.
Узунов е еден од плејадата големи македонски револуционери, учител и војвода, роднина на Григор Прличев. Роден е во Охрид, на 22 февруари 1878 година. На 24 април 1905 година откако биле опколени од многуброен аскер засилен со артилерија, Христо Узунов заедно со 11 негови соборци извршиле саможртва, за да не паднат живи во рацете на Турците.
Ново на Сител
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна