Одложено судењето за ТНТ, нарушена здравствената состојба на обвинета во случајот
Судењето за уривањето на комплексот Космос на инвеститорот Фијат Цановски ТНТ се одложи за 28 ноември, поради нарушена здравствена состојба на една од обвинетите во случајот.
Бранителката на обвинетата Александра Аврамовска-Димитриевска, рече дека утринава, видно растревожен, и се јавил нејзиниот сопруг, кој ја информирал дека Александра со нарушена здравствена состојба и обилно крварење била пренесеа во болница.
Судијата Огнен Ставрев, информира дека ќе ја почека медицинската документација и потоа ќе извести како ќе продолжи постапката.
На денешното рочиште требаше да бидат сослушани сведоците Павле Гацов, Милорад Јовановски и Владимир Гаговски.
Случајот се наоѓа во доказна постапка и го води судијата Огнен Ставрев, а застапник на обвинението е Бурим Рустеми од ОЈО Куманово.
За делото обвинети се повеќе лица меѓу кои екс министерот за транспорт и врски Миле Јанакиески и тогашниот градоначалник на општина Гази Баба Тони Трајковски, додека во отсуство му се суди на поранешниот премиер Никола Груевски.
Ново на Сител
-
Во БиХ уапсени три лица кои барале пари за информација за исчезнатото девојче во Србија
-
Продолжуваат предизборните коалицирања
-
Марш на трансродовите лица
-
Во Собранието седница на Комисијата за одбрана и безбедност
-
Најмалку 38 лица загинаа во израелските напади врз сирискиот град Алепо
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор
-
Сончево и топло со мала локална облачност