Македонија
22. October 2020 - 14:07

Одложена седницата на Постојаната анкетна комисија за заштита на слободите и правата на граѓаните

Седницата на собраниската Постојана анкетна комисија за заштита на слободите и правата на граѓаните иако најавена за денеска, не одржа седница.

Претседателката на Комисијата, Иванка Василевска од ВМРО-ДПМНЕ изјави дека седницата не се одржала поради тоа што не присуствувале нејзините колеги од владејачкото мнозинство, СДСМ и ДУИ.

На дневен ред на оваа седница на Постојаната анкетна комисија беше разгледувањето на претставката од граѓанинот Горан Јовановски од Тетово.

– Претставката на Јовановски се однесува на неможноста да се врати на своето работно место во Агенцијата за вработување поради директен мобинг, политичка нетрпеливост и реваншизам од страна на надлежната директорка, изјави Василевска.

Според неа, пратениците на владејачкото мнозинство предводено од СДСМ не се појавиле на Комисијата со што го покажале својот однос кон почитувањето на основните човекови права и слободи.