Одбележување на Националниот празник на Франција
Прославувањето на Националниот празник на Франција, 14 јули ќе биде во знакот на солидарноста, за пред сѐ, да им се оддаде почит на сите што се борат против пандемијата Ковид-19, соопшти француската Амбасада во земјава.
-Поради пандемијата и неможноста да го организира традиционалниот прием, амбасадата изразува благодарност до сите кои се бореле за вредностите на Републиката и особено за слободата, со положување венец на Француските воени гробишта во Скопје. На настанот ќе присуствуваат претставници на француската заедница и ќе се почитуваат сите здравствени препораки, стои во соопштението на Амбасадата.
Амбасадата посочува дека францускиот амбасадор ќе одржи видео обраќање преку кое ќе изрази безрезервна пријателска поддршка кон своите сонародници и партнери на амбасадата, кое ќе може да се проследи на Фејсбук страницата на Амбасадата – https://www.facebook.com/
–Франција низ целата оваа криза, покрај својот придонес кон европските напори за обезбедување опрема и финансиска помош, постојано беше заедно со Македонците. За овој 14 јули, повторно ќе им помогнеме на Црвениот крст и на иницијативата „Банка за храна“ Овој 14 јули мора да биде празник на нашата солидарност, а тоа е братството на дело, споделените вредности што заедно ги славиме, наведува Амбасадата.
Во рамките на настанот, поранешниот амбасадор Благој Зашов, генерален делегат на Сувенир Франсе во Македонија, ќе положи венец и ќе подари на Музејот на Француските гробишта четири книги од француски автори за историјата на регионот Македонија, што тој ги преведе минатата година.
Амбасадата ддоава дека и во Франција Националниот ден ќе се одбележи на посебен начин, а францускиот претседател Емануел Макрон ќе учествува на воената свеченост на плоштадот Конкорд.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација