Одбележани 144 години од раѓањето на Гоце Делчев
Панихида по повод 144 години од раѓањето Гоце Делчев се одржа денеска во црквата „Свети Спас“ во Скопје каде што е вечното почивалиште на македонскиот револуционер.
Литургија за помен на Делчев и за сите борци за национална и духовна слобода во периодот пред и по Илинденското востание одржаа свештеници од Скопската епархија на Македонската православна црква.
Цвеќе пред саркофагот на Гоце положи делегација на Владата предводена од премиерот за спроведување на изборите Емил Димитриев, делегации на Кабинетот на Претседателот на Република Македонија, од Армијата на РМ, Сојузот на борците од НОБ, од Град Скопје и општини, МАНУ, Институтот за национална историја, Матица на иселениците, од Универзитетот „Гоце Делчев“-Штип, претставници на политички партии и здруженија, културно-уметнички друштва и училишта што го носат името на Делчев, граѓани што го почитуваат неговото дело. Во чест на годишнината од неговото раѓање настапи и Градскиот мешан хор „Вардар“.
Гоце Делчев, визионерот кој пред повеќе од еден век го разбра светот како поле за културен натпревар меѓу народите, роден е на денешен ден во 1872 година во Кукуш, во семејството на Султана и Никола.
Се школувал во гимназијата во Солун и на Воената академија во Софија. Учителствувал во Штип, а како член на Централниот комитет на ТМОРО работел на создавање мрежа на бази, комитети и комитски чети на Организацијата. Учествувал на Солунскиот конгрес на ВМРО
(1896), а до 1901 година бил задграничен претставник на ВМРО во Софија. Делчев е убиен од турска војска, на 4 мај 1903 година во селото Баница.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање