Одбележана 10-годишнината од бродската несреќа во Охридското Езеро во која загинаа 15-мина бугарски туристи
Изминаа десет години од најголемата бродска несреќа која што се случи во водите на Охридското езето во која животот го загубија 15 бугарски туристи.
И после една деценија сеќавањата сеуште се свежи и морничави од кобниот 5 септември кога потона бродот „Илинден“ што со 57 патници сообраќаше на релација од Охрид за Свети Наум.
Тој се преврте и потона на околу 250 метри оддалеченост од брегот на езерото, кај автокампот „Елешец“.Од Капетанија на пристаништата велат дека оваа несреќа е црна точка во наутичката историја.
На одбележувањето на десетгодишнината од бродската несреќа беа презентирани и скици од новиот споменик, кој е изработен, а ќе биде поставен по донесувањето на одлука на Советот на општина Охрид .
Техничка неисправност и претовареност на бродот беа наведени како причини за големата трагедија во која загинаа осум жители на Општина Антон, четворица од Општина Пирдоп и по еден од општините Златица, Мирково и Рибарица.
-
Нина Аритоновска
Сите содржини од овој новинар