Одбележан Светскиот ден на предвремено родени бебиња
Клиниката за детски болести денеска преку кампањата „Шанса за живот“ го одбележа 17 ноември, Светскиот ден на предвремено родени бебиња.
По тој повод, триесеттина деца, некогашни пациенти на Клиниката за детски болести, заедно со нивните родители беа специјални гости на настанот организиран во киното Синеплекс. Децата имаа можност да се забавуваат, да цртаат, бојат, се дружат меѓусебно и потоа го гледаа најновиот долгометражен цртан филм, Снупи и Чарли Браун.
- Децата родени со компликации и предвремено родените бебиња поминуваат еден нетипичен процес на адаптација и тоа на нив може да остави извесни последици. Токму затоа и заради нашата постојана грижа за овие деца, ја поттикнавме оваа иницијатива, создавање на место и можност за дружење и каде може да бидат дел од еден интерактивен социјален концепт. Моментите за размена на искуства и доживувања се бесценети во процесот на опоравување кој може да трае со години, изјави директорката на Клиниката, Аспазија Софијанова.
На Одделот за педијатриска интензивна нега и терапија се примаат деца од новороденечка возраст до адолесценција. Годишно на Одделот се хоспитализираат 350-400 пациенти, од кои 85 отсто се новородени, половината од нив се родени предвреме.
Во 2013 година просечно на месечно ниво на Одделот за интензивна нега и терапија на Клиниката биле згрижени 3 до 4 предвремено родени бебиња, во 2014 бројот е зголемен за 50 отсто и сега во просек има 6 до 7 бебиња месечно. Во последните години постои светски тренд на пораст на бројот на предвремено родени деца кој е последица на современиот начин на живот, поместувањето на старосната граница кај мајките и тоа што е се поголем бројот на прворотки на возраст над 35 години, како и на примената на ин витро оплодувањето кое често резултира со близначка бременост која сама по себе е многу ризична и голем дел од овие бебиња се предвреме родени.
Ново на Сител
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца