Одбележан Денот на ослободувањето на Гевгелија
Централната прослава на општинскиот празник, 7 Ноември, Денот на ослободувањето на Гевгелија, се одржа денеска со положување цвеќе пред обележјата и спомениците на народните херои, паднатите борци и сите жртви на фашизмот.
Покрај општинската делегација предводена од градоначалникот Сашо Поцков, цвеќе положија делегации на борците, пензионерите, политичките партии, здруженија на граѓани и делегациите од збратимените општини Инџија, Јабланица и Гвозд.
Денешната програма потоа продолжи со церемонијата околу предавањето во употреба на новиот водоснабдителен систем во Гевгелија кој на граѓаните ќе им обезбеди дополнителни количини на здрава и квалитетна вода за пиење и со свечена академија.
Изминативе пет дена под покровителство на општина Гевгелија се одржаа бројни културно уметнички настани и манифестации, а богатата програма ќе заврши вечер со театарската претстава „Вдовицата се мажи“ во изведба на Велешкиот театар.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација