Од заталкани куршуми уништени две возила во скопско Љубин

Вчера во 22,50 часот во Секторот за внатрешни работи Скопје, Е.Б. пријавил дека во скопското село Љубин во дворот од неговата куќа од непознат правец (најверојатно од с.Кондово) паднале две заталкани зрна од огнено оружје, при што едно од зрната паднало врз предното ветробранско стакло од товарно моторно возило „Рено“ со скопски регистерски таблици, а другото зрно паднало пред товарно моторно возило „Цитроен“ со скопски регистерски таблици.

Увид на местото на настанот извршила увидна екипа и се работи на целосно расчистување на настанот.