Од утре внимателно со скара на отворено поради опасност од пожари, најавен топлотен бран до 41 степен
Дирекцијата за заштита и спасување, согласно најавата на Управата за хидрометеоролошки работи, соопшти дека за време на продолжениот празничен викенд ќе има нов топлотен бран со многу високи температури. Изразено топло време ќе има утре и задутре (2 и 3 август) со температури до 41 степен.
Од Дирекцијата посочуваат дека покрај основните препораки за однесување во вакви услови, согласно Законот за заштита и спасување, преземаат и мерки и активности за превентивно делување за заштита од можни шумски пожари и други пожари на отворен простор. Со оглед на празничниот продолжен викенд и зголемената посетеност на шумите и излетничките места, ДЗС апелира до локалната самоуправа, граѓаните и посетителите да внимаваат кога се на отворен простор.
Тие не треба да фрлаат цигари и догорчиња, стаклен отпад и стаклени шишиња, да не палат оган и скара на отворен простор и во шума, да не палат отпад и друг горлив материјал, ниту стрништа и меѓи, а ако забележат пожар веднаш да ја известат Територијалната противпожарна единица на бесплатниот телефонски број 193.
Дирекцијата за заштита и спасување со цел зачувување на шумите, од 15 јули до 15 август, на територијата на целата земја, ја спроведува кампањата за заштита од пожари под мотото „Иднината им припаѓа на оние кои се подготвени-Природата е наша одговорност“, стои во соопштението.
Ново на Сител
-
Сообраќајна несреќа на патот Прилеп - Битола, сообраќајот се пренасочува
-
Реал поднесе жалба против судијата кој не ги регистрира навредите кон Винисиус
-
Циклон на северот на Австралија, 700 луѓе останаа блокирани од остатокот од земјата
-
На 42-годишна возраст почина момчето на Арина Сабаленка
-
Кари се искачи на 30. место на листата на најдобри стрелци на сите времиња во НБА
-
На патот Крива Паланка – ГП Деве Баир да се управува внимателно, се работи на патот и има одрони
-
На полноќ истекува рокот за доставување на кандидатури за претседател на државата
-
Шведската амбасадорка Ларсон денеска во Скопје